La Escuela Paisana pon lliteratura, cine y música asturiana en Cabranes

La iniciativa del SNL de la 'Comarca de la Sidra' que presenta un catálogu de panorámiques d'Asturies celebra la so segunda edición depués de la bona esperiencia del añu pasáu.

L'Ayuntamientu de Cabranes collabora na organización de la II Escuela Paisana, que programa trés actividaes na Casa Conceyu nos trés xueves próximos, siempre a les 19 hores. La primer cita va ser esta tarde cola presencia de la esperta lliteraria Pilar Fernández González, que va poner la conferencia 'María Xosefa Canellada y les muyeres de la lliteratura asturiana', centrándose sobre manera na filóloga y escritora cabranesa.

El viniente va ser el turnu del cine, cola proyeición de '8 filmes sobre la guerra', de Pablo Casanueva, una especie d’álbum audiovisual formáu por ocho curtiumetraxes nos que s’avera a la represión franquista nel conceyu Ribeseya. El direutor va participar llueu nun alderique colos presentes.

Completa la Escuela Paisana l'etnógrafu Xosé Antón Fernández Ambás, que'l día 24 va presentar 'Aportaciones novedoses na recoyida de tradición oral n’Asturies y Cabranes’, charra na que facer un percorríu peles novedaes últimes incorporaes al so archivu.