La enmienda de Socialistes pola Oficialidá va debatise nel Congresu de la FSA-PSOE

Les Mocedaes Socialistes d'Asturies (JSA/MSA) aprobaron llevar la enmienda propuesta por Socialistes pola oficialidá al Congresu de la FSA-PSOE n'asamblea, esti sábadu pasáu.

A lo llargo de la selmana la enmienda que propón que la FSA asuma la oficialidá del asturianu dirá votándose nes más de 20 agrupaciones onde se presentó, ente les que tán toles principales por númberu de militantes. L'agrupación d'Uviéu yá la aprobó esti llunes.

Magar qu'una sola agrupación aprobara llevar la enmienta, esta tendría que ser votada nel congresu previstu pal 29 y 30 de setiembre, y el 1 d’ochobre n’Uviéu. Pero con estes presentaciones de la propuesta d'enmienta nes agrupaciones preténdese amosar el so respaldu y da-y visibilidá. Anque esto nun quier dicir que los delegaos escoyíos nes agrupaciones que lleven esta propuesta d'enmienda vaigan votar a favor. 

Dende Socialiestes pola Oficialidá tan contentos cola rempuesta y sofitos que tan recibiendo a la so campaña, y consideren que ye un bon momentu pa camudar la posición oficial del partíu contraria a la reconocencia d'oficialidá pal asturianu.