La Edá Media y la pintura universal, itinerarios de les visites guiaes n'asturianu a los museos

Celébrense de baldre esti sábadu nel Muséu Arqueolóxicu y nel de Belles Artes.

El proyeutu pilotu entamáu pola Direición Xeneral de Planificación Llingüística y Normalización en collaboración coles dos instalaciones museístiques algama la segunda sesión tres l'ésitu de públicu de la primera. Naquella ocasión los visitantes pudieron conocer de la mano del guía oficial Denis Soria, y en llingua asturiana, el Paleolíticu y los maestros de la pintura asturiana, mentes que'l sábadu van tener la oportunidá d'averase a la Edá Media y a la pintura universal.

La primer visita va ser a les 11 hores nel Muséu Arquelóxicu, mentes que la ruta pol Belles Artes va principiar a les 12.30 hores. Recomiéndase acutar plaza pa participar nestes rutes guiaes, pa lo que la organización pon el númberu de teléfonu 985.10.19.15 y nel corréu electrónicu splnormalizacion@asturias.org.

Nel casu de resultar otru ésitu de participación, ye seguro qu'estes visites guiaes n'asturianu van repetise tolos meses en dambes instalaciones. Otra manera, mañana va ser el turnu de los escolares, que van disfrutar del mesmu itinerariu previstu pal sábadu pal públicu en xeneral.