La diputada de la CUP-CC Anna Gabriel pon una charra n'Uviéu

'Feminismu, cuestión de xéneru y medios de comunicación' ye'l nome de la conferencia de la política catalana. Esti eventu zarra los actos del Día de la Mocedá Revolucionario (DMR).

Darréu entama esta actividá mañana nel Llar La Llegra, que complementa les celebraes la fin de selmana pasada na cuenca'l Nalón. Anna Gabriel ye diputada nel Parlament de Catalunya pola Candidatura d'Unitat Popular-Crida Constituent (CUP-CC) y una de les cares más visibles d'esta formación, lo que-y valió pa ser blancu d'un "tratamientu mediáticu bien llamentable y claramente machista, que nun ye casual nin aislláu na sociedá patriarcal na que vivimos", espliquen dende la organización moza soberanista.

D'estes cuestiones y otres munches va falar Gabriel de magar les 19 hores nuna actividá abierta a tola ciudadanía. Enantes, dende les 16 hores, la catalana, acompañada de la tamién miembru de la CUP, va caltener un alcuentru cola militancia soberanista asturiana pa falar "de formes d'organización ya intercambiar esperiencies, sensaciones y opiniones sobre los procesos políticos que se desendolquen nos nuesos ámbitos nacionales".