"La decisión ye personal, ensin nengún tipu de connotación política", afirma Emilio León

El candidatu de Podemos nes eleciones dexó'l cargu de voceru del grupu parllamentariu.

"La decisión ye personal, ensin nengún tipu de connotación política. Dende Podemos Asturies asumimos los cambios con normalidá, yá qu'entendemos esto como una carrera de relevos", aseguró León ayeri tres l'anuncia fecha pol partíu de la so etapa nueva dientro de la formación.

El diputáu, que va continuar nel escañu, considera que "lo importante ye siguir trabayando polos intereses y les necesidaes de los y les asturianes, yá qu'esi foi'l nuesu oxetivu cuando entramos nes instituciones". Previsiblemente, y provisionalmente, Lorena Gil va ser la vocera del partíu na Cámara.