La CSI repite trunfu nes eleiciones sindicales de la rede d'oficines de Liberbank n'Asturies

Suma 7 de los 21 delegaos, los mesmos que nel 2012 y ún más que'l Sindicato de Trabajadores de Cajastur (STC-CIC).

La Corriente Sindical d'Izquierda (CSI) revalida asina la so posición de fuercia nes oficines de CaxAstur/Liberbank nel país, igualando los resultaos del 2012. El restu de sindicatos qu'algamen representación son STC-CIC (6), CSICA (4), CSIF (2), UXT (1) y CC OO (1).

En comparanza con hai cuatro años, STC-CIC gana un delegáu, al igual que CSICA, siendo'l sindicatu que más medra CSIF, al pasar de cero a dos. Mentes, les dos centrales mayoritaries sufren un descensu importante, yá que UXT y CC OO pasen de tener trés a contar con un únicu delegáu.