La COVID-19 provoca una muerte más nel país

Asturies sigue ensin sumar contaxos per decimoséptimu día al contar Galicia como propiu'l detectáu na área sanitaria de Xarrio.

Los datos de la COVID-19 dexen una muerte más cola enfermedá causada pol coronavirus SARS-CoV-2, la númberu 338. Ésta súmase a les 2 rexistraes el martes tres ochos díes ensin llamentar perda nenguna.

El contaxu d'una asturiana n'A Mariña Lucense, onde vive y trabaya, lleva a qu'esti casu pase a sumar na serie de Galicia magar que la prueba diera positivu n'Asturies. D'esta forma, el país acumula 17 díes ensin que la Conseyería de Salú anuncie afeutaos nuevos de COVID-19.

Na UCI siguen ingresaes anguaño 4 persones y en planta, 1. Mentes, los datos correspondientes a ayeri dan un curáu menos que'l miércoles, cuando se treslladó la cifra de 2.064 altes epidemiolóxiques.