La COVID-19 dexa dos muertes más nel país

Nun se rexistraben finaos cola enfermedá causada pol coronavirus SARS-CoV-2 dende'l 21 de xunu, que s'anunció'l día 25.

Tres ocho díes ensin muertes, Asturies tornó a sumar ayeri perdes humanes con COVID-19. En concreto foron 2, que ponen el total dende qu'entamó l'andanciu en 337.

Lo que sí se caltién ye l'ausencia de contaxos, acumulando quince díes ensin casos nuevos. La serie sigue, poro, en 2.435.

Na UCI queden anguaño 4 pacientes y 1, en planta. Ayeri dos persones recibieron l'alta epidemiolóxica, polo que los curaos yá son 2.057.