La 'Caravana pola Oficialidá' percuerre Gozón y Carreño

Va salir del Cabu Peñes y va finar en Candás.

Tres la primer esperiencia'l mes pasáu en Bimenes y parte del valle del Nalón, la 'Caravana pola Oficialidá' sigue percorriendo Asturies como respuesta ciudadana a los ataques que sufre l'idioma y los pocos avances que se dan na normalización social del asturianu, como son los recursos de Delegación del Gobiernu estatal n'Asturies a ordenances y reglamentos, les campañes mediátiques contra la recuperación de la toponimia o la parálisis na presencia de la nuestra llingua na radiotelevisión pública", ente otros. D'igual forma, con estes actividaes la Xunta pola Defensa de la Llingua Asturiana (XDLA) tamién pretende "afitar los llazos de collaboración abiertos colos alcaldes y conceyales que participaron na iniciativa de Conceyos pola Oficialidá".

La cita de mañana va centrase en Gozón y Carreño. La salida ta prevista pa les 11.30 hores del Faru de Peñes pa facer una ruta pelos dos conceyos que va finar en Candás a la hora de la xinta.

La XDLA recomienda a tolos participantes dir bien de depósitu, llevar prendíes les lluces de cruce en too momentu, guardar la distancia de seguridá y adaptar la velocidá a la xenérica de la caravana, y señalizar toles maniobres.