Junts pel Sí y CUP anicien el procesu de creación d'un Estáu catalán

Rexistraron una propuesta de resolución parllamentaria que se va tratar nun Plenu estraordinariu enantes de la investidura.

El pautu al que llegaron el bloque soberanista creáu pa les eleciones de setiembre y la Candidatura d'Unitat Popular (CUP) da asina "aniciu del procesu de creación del Estáu catalán independiente en forma de república", que "nun se supeditará a les decisiones de les instituciones del Estáu español, en particular del Tribunal Constitucional". Esti documentu, compuestu por nueve puntos, va votase nun Plenu estraordinariu que se va celebra enantes del Plenu d'investidura, previsiblemente la selmana qu'entra.

Mariano Rajoy, presidente del Gobiernu español, respondió a esti movimientu independentista con una declaración institucional, tres caltener una charra con Pedro Sánchez (PSOE) y Albert Rivera (Ciudadanos), na qu'afirmó que l'Estáu va usar tolos "mecanismos políticos y xurídicos" pa defender la xunidá d'España.