Javier Fernández repite como presidente d’Asturies

L’apoyu d’IX foi suficiente pa que la FSA-PSOE caltuviera la presidencia del país. Podemos astúvose, al igual que Ciudadanos, mentes que Foro apoyó a Mercedes Fernández.

Nun hebo sorpreses na tercer votación pa escoyer presidente d’Asturies, cargu que va ocupar Javier Fernández per cuatro años más tres algamar 19 votos, los 14 del so grupu y los 5 d’Izquierda Xunida (IX), polos 14 de Mercedes Fernández, 11 populares y 3 de Foro. Podemos, qu’estudió la posibilidá de ceder cinco votos a la líder del PP pa forzar un empate y obligar a la FSA-PSOE “a negociar en serio”, finalmente s’astuvo, al igual que Ciudadanos. El votu foi nominal y dalgunos diputaos de Podemos emplegaron l'asturianu.

D’esta forma, Javier Fernández va sumar 7 años al frente del país. Na so intervención, el presidente agradeció l’apoyu d’IX, garantizado a los sos diputaos que cumplirá con tolos puntos del alcuerdu que llegó cola coalición, y punxo la creación d’emplegu y la llucha contra la corrupción como oxetivos principales del so mandatu.