Izquierda Xunida celebra n'Avilés la so asamblea

L'aniciu d'esti procesu ta previsto pa les 16 hores d'esta tarde, momentu nel que se van entregar les credenciales na Casa de Cultura d'Avilés, onde va desendolcase l'asamblea. Nesta primer xornada van votase los documentos políticu y organizativu.

 

Mañana, mentes, va facese lo propio colos estatutos nuevos, les resoluciones y les llistes que se presenten pa la coordinación xeneral d'Izquierda Xunida (IX). Ésta última va celebrase a les 14.30 hores, cola intención de clausurar l'asamblea a les 15.30 hores.

 

N'Avilés estrenaráse Ramón Argüelles como coordinador xeneral d'IX, tres resultar escoyíu'l vienres pasáu nes primaries con un 36,4 por cientu de los votos. Sustitúi nel cargu a Manuel González Orviz.