Iniciativa pol Asturianu busca la meyor noticia pal idioma del 2017

Abre una votación popular na rede hasta'l día 15 pa escoyer ente 16 opciones.

Un añu más, y yá van cinco, Iniciativa pol Asturianu pon en marcha esta encuesta col oxetivu d'escoyer cuála ye la meyor noticia pal asturianu del añu fináu recién. Pa ello da a escoyer ente delles opciones, en concreto 16, pa lo que los ciudadanos puedan escoyer un máximo de cinco novedaes de tolos ámbitos de la vida social, cultural y política d'Asturies con respeuto al idioma que consideren más importantes o destacaes.

Son les propies asociaes y asociaos del coleutivu los que propunxeron les noticies, ente les que tán dalgunes informaciones d'Asturies.com. La xente interesao en participar nesta encuesta han de calcar equí.

L'ésitu de ventes de los cómics d'Asterix n'asturianu, la emisión de 'Los Bolechas' en TPA o l'anuncia del Plan del Plan Pilotu Esperimental de Promoción del Usu del Asturianu, foron dalgunes de les novedaes más destacaes n'años anteriores.