Inaciu Iglesias va afondar sobre '¿Cómo podemos ser asturianos?'

|
Inaciu Iglesias

Participa como convidáu na conferencia mensual d'Ástura nel Atenéu Obreru de Xixón.

L'empresariu Inaciu Iglesias, que l'añu pasáu asoleyó'l llibru 'El país que queremos', va poner la conferencia '¿Cómo podemos ser asturianos?' nel que va falar a los presentes "sobre cómo construyir el país que queremos", apunten dende Ástura. "Va afondar nel fechu de que la única manera de querer, de verdá, al nuestru país ye asumir les nuestres responsabilidaes y tomar les nuestres decisiones en cuenta dexales –unes y otres– a los demás", añaden.

"Hai munches maneres de ser patriota. Iglesias lleva munchos años preguntándose qué ye ser asturianista; rexonalista; nacionalista; paisanu. Y, a lo último, llegó a una conclusión: ser asturianista ye creyer nes nuestres posibilidaes. Creyer o nun creyer; ésa ye la cuestión. Creyer nes nuestres posibilidaes a la de llevar esti negociu común; a la d’arriesgase y responsabilizase de la so xestión en cuenta dexar qu’otros arrecostinen coles nuestres perdes pa dempués protestar", espliquen sobre esta charra que va tener llugar mañana, a les 19.30 hores, nel llar nuevu del Atenéu Obreru de Xixón, asitiáu a Escuela de Comerciu Antigua.

"Ser un patriota; un paisanu; un nacionalista, ye lo contrario de ser escluyente: ye contar que nada asturiano nos ye ayeno y que, polo tanto, la nuestra nun ye la única forma de ser asturianos. Ye asumir que tola xente tien dalgo qu’aportar. Ye, en definitiva, entender a los nuestros compatriotes, a los que nun piensen como nós; aceptar lo que tienen que dicir y avanzar. Ye asumir responsabilidaes y tomar decisiones en cuenta dexales, unes y otres, a los demás. Na conferencia d'esti mes vamos ver cómo", finen dende l'asociación cultural.

Semeya obra d'Hugo Álvarez.

Contador Estadistiques