Inaciu Iglesias presenta 'El país que queremos'

Recueye artículos espublizaos en dellos medios, informes y conferencies.

L'empresariu Inaciu Iglesias, que fora editor del periódicu en llingua asturiana 'Les Noticies', ta acabante d'espublizar un llibru nuevu. Trátase de 'El país que queremos', qu'edita Trabe y que ta a la venta a un preciu de 15 euros.

La obra dívidese en dos partes. La primera recueye artículos qu'Iglesias publicó en medios escritros del país, como 'El Comercio, 'La Nueva España' o 'Asturias Diario', mentes que na segunda esbíllense informes, conferencies y otros discursos pensaos pa documentación política interna.

La presentación de 'El país que queremos' va celebrase esta tarde a les 20 hores en Circus (Marqués de Santa Cruz 14, Uviéu) nun actu nel que l'autor va "falar y compartir idees, esperiencies y análisis sobre Asturies, esi país pequeñu y verde que queremos tanto" xunto colos asistentes.