Illla anuncia 20 millones de les vacunes de Pfizer pal entamu del 2021

Diez millones de persones quedaríen inmunizaes énte la COVID-19 si se confirma la eficacia del preparáu médicu de la farmacéutica estauxunidense.

"Esperamos qu'esta selmana o la selmana próxima, en breve, se puedan firmar dalgunos cuantos contratos más, en concreto cola compañía Pfizer y con dalgunes otres. Les primeres dosis, si too va bien taríen deberíen de llegar pa entamos del añu qu'entra; si too fora mui, mui bien, a últimos d'esti añu", apuntó esta mañana en 'La Hora de La 1' el ministru de Sanidá, Salvador Illa. De la farmacéutica estauxunidense, la más avanzada, en concreto, cuenta con "alredor de 20 millones".

D'esta vacuna benificiaríense 10 millones de ciudadanos al ser de doble dosis. La so puesta va ser de baldre, quedando pendiente de conocer cómo se fadrá'l complexu sistema de distribución de les dosis, al ser necesaria la so conservación a 80 graos baxo cero.

Desendolcada por Pfizer xunto a l'alemana BioNTech, ésta respuesta al coronavirus SARS-CoV-2, na fase 3 del so desarrollu, tendría una eficacia superior al 90 por cientu. “Güei –por ayeri– ye una gran día pa ciencia y la humanidá. El primer conxuntu de los resultaos del ensayu de vacuna proporciona evidencies de que ye hábil pa prevenir la COVID-19", afirmó Albert Bourla, el presidente de la farmacéutica norteamericana.