González Rato y Rodríguez Valdés dan a conocer en Xixón la torna de '1984' d'Orwell

La llibrería La Buena Letra vuelve a acoyer una presentación d'un llibru n'asturianu.

Tres l'actu d'ayeri protagonizáu pol poemariu 'Orfandá' de Marta Mori, güei ye'l turnu d'una torna, editada tamién por Trabe, nesti negociu xixonés. Trátase del popular '1984' de George Orwell, autor del que precisamente esta selmana cumplíense 70 años de la so muerte.

El responsable de la so traducción foi Xesús González Rato por encargu de Rafael Rodríguez Valdés, direutor de la coleición 'Calume' qu'abre esta obra. Ésta naz pa trayer a la llingua asturiana títulos de repercusión globlal procedentes d'otres lliteratures.

L'actu va celebrase a les 20 hores y nél, amás de González Rato y Rodríguez Valdés, va tar presente la editora Esther Prieto.

Na semeya, Rodríguez Valdés, González Rato y Prieto na presentación de '1984' na uviedina Llibrería Trabe.