González Rato va alcontrase colos llectores de la so torna de '1984' d'Orwell en Villaviciosa

Va participar tamién nesta cita'l responsable de la coleición 'Calume' de traducciones d'Ediciones Trabe, Rafael Rodríguez Valdés.

Los Talleres de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra', entamen un alcuentru nuevu con autores. Nesta ocasión va ser col responsable de la torna d'una obra bien conocida, como ye'l casu de '1984', escrita pol británicu George Orwell nel 1948.

Asina Xesús González Rato va tratar colos presentes detalles del so trabayu de traducción y de la obra. Pela so parte, Rodríguez Valdés va falar del proyeutu 'Calume', que va trayer más títulos relevantes d'otres lliteratures al nuesu idioma, siendo la próxima obra prevista ‘Clockwork Orange (La naranxa mecánica)’ d’Anthony Burgess.

L'alcuentru colos llectores va tener llugar el xueves, a les 19 hores, nel Aula d'Asturianu del Atenéu Obreru de Villaviciosa.