Foro tamién sofitó'l vetu al asturianu

La formación forista tamién apoyó la propuesta de prohibir l'usu del asturianu xunto con castellanu nel parllamentu d'Asturies

Ayeri trescendió que PSOE y Ciudadanos votaren a favor del vetu al asturianu propuestu pol PP na Xunta Xeneral retractándose de la so postura inicial de permitir comunicaciones billingües asturianu-castellanu.

Namás IX, que presentó la propuesta, y Podemos caltuvieron la so posición favorable a que na comisión parllamentaria que tien de tratar l'estatus del asturianu se pudieren facer comunicaciones billingües usando l'asturianu y el castellanu. Un fechu qu'amás concasa col espíritu y la lletra del Estatutu d'Autonomía y de la Llei d'Usu y protección de asturianu.

La propuesta del PP, favorable al monollingüismu esclusivu castellanu y a la esclusión del asturianu del parllamentu d'Asturies cuntó al final col votu favorable de PSOE y Ciudadanos, y según foi a confirmar güei Asturies.com, tamién col apoyu de Foro, un datu que nun trescendiera nes primeres informaciones