Fina'l plazu d'acoyida de refuxaos con incumplimientu por parte del Estáu

|
Fina'l plazu d'acoyida de refuxaos con incumplimientu por parte del Estáu

Llegóse namái al 11,4 por cientu de la cuota comprometida hai poco más de dos años.

Esto ye que de les 17.337 persones que deberíen recibir abellugu nel Estáu, namái llegaron 1.980, según los datos daos pol Ministeriu del Interior esti domingu, dos díes enantes de que finase'l plazu. España confírmase asina como un de los estaos europeos que más incumplió la cuota xunto a los del este del continente, Francia y Austria, siendo Malta la única que fixo los deberes, con Finlandia cerca (92 por cientu).

En total, de los 160.000 refuxaos qu'Europa comprometió recibir, namái llegaron realmente 28.242, esto ye, un 18 por cientu de lo alcordao. Esta situación indignante lleva a 'Acoger ye Natural' a entamar una concentración de protesta esta tarde, a les 19 hores, na uvieína plaza la Escandalera.

Contador Estadistiques