Fin del usu obligatoriu de les mázcares n'esteriores: el sábadu 26 de xunu

El presidente del Gobiernu estatal, Pedro Sánchez, anunciólo esti vienres en Barcelona.

"Vamos proponer a la sociedá española que nun sía obligatoria la mázcara n'espacios llibres a partir del sábadu 26 de xunu", aseguró'l socialista nel entamu de la so intervención nel pieslle de la Reunió Cercle d’Economia 2021 que se vien celebrando dende'l miércoles na capital catalana baxo'l títulu 'La gran reconstrucció. Reptes i oportunitats per a l'empresa, l'economia i la política'. El xueves va llevase esti asuntu a un Conseyu de Ministros estraordinariu pa la so aprobación.

La mázcara va siguir siendo obligatoria n'interiores. Tamién n'esteriores naquellos casos nos que nun se pueda caltener la distancia de seguranza y ye recomendable nel contautu con otres persones, polo que va siguir siendo dalgo indispensable que llevar con nós.

Na semeya, Sánchez nel momentu d'anunciar el fin de les mázcares n'esteriores.