Fiesta de la Oficialidá en Bimenes

|
Fiesta de la Oficialidá en Bimenes

A la folixa va axuntase l'aprobación de les ordenances d'asturianu del conceyu.

Los actos d'esti día na XXI Fiesta de la Oficialidá en Bimenes van entamar con un Plenu Estraordinariu del Conceyu onde van aprobase les ordenances d'asturianu nel conceyu, pa depués siguir con un actu nuevu d’hermanamientu con Miranda del Douro que va consistir en dar el nome d’esti territoriu portugués que comparte llingua con Asturies a la plaza de la Casa Conceyu. Miranda, pela so parte, va entregar un morriyu de granitu a Bimenes.

La folixa va continuar cola Danza de la Oficialidá y un pasucais del Ensame de Música Tradicional y el Grupu Folklóricu Los Yerbatos, que tamién va actuar nel prau del Palaciu del Marqués de Casa Estrada, onde va celebrase la xira popular. Como novedá nel programa festivu, incorpórase Mirandazas, que va actuar tamién xunto con Los Yerbatos.

Tres la xinta popular, a les 17 hores, van comenzar los xuegos infantiles, pa depués dar pasu al IV Concursu d’Escanciadores de Bimenes, puntuable pal Campeonatu d’Asturies d’Echadores de Sidra. La cena nel prau ta prevista pa les 20 hores, pa siguir con un conciertu d’Anabel Santiago y un ‘Bimenes en Danza’, cola participación de Cantaruxare y L’Andecha Turcipié.

Contador Estadistiques