Fernández Martínez gana'l XVII Concursu de Gaita de Bimenes

|
Diego Fernández Martínez gaiteru

Tien 19 años y ye natural de Xixón.

El sábadu celebróse na Casa Cultura de Santuyano'l XVII Concursu de Gaita de Bimenes, competición que solía celebrase en branu coincidiendo cola Fiesta de la Oficialida y qu'esti añu retrasóse a avientu. Nél participaron seis gaiteros menores de 21 años –a fecha de 30 de payares–, que foron valoraos por un xuráu compuestu por José Ramón García Navia, Jesús Miguel Gómez Pellico y José Luis García Díaz.

El ganador finalmente foi Diego Fernández Martínez, que llevó los 200 euros de premiu y el troféu del primer premiu. El segundu clasificái foi'l sierense de 16 años Jaime Álvarez Fernández y el terceru Adrián Villa Tejerina, tamién de Siero y de 16 años, gaiteros que recibieron 100 y 75 euros, de manera respeutiva, amás d'un troféu.

Tolos participantes interpretaron dos pieces, una llibre y otra a escoyer d'un llistáu, nun actu que tuvo presentáu por Alicia Villanueva.

Contador Estadistiques