Felpeyu celebra 25 años con un conciertu especial

|
Felpeyu celebra 25 años con un conciertu especial

La banda de folk abre los conciertos de la Plaza Mayor del VI Festival Arcu Atlánticu.

Felpeyu cumplió n'ochobre 25 años y güei va celebralos con un conciertu especial en Xixón que va servir tamién de presentación del so trabayu nuevu, 'Cerquina'. Pa ello la banda va xuntar sobre l'escenariu a la formación actual y a los vieyos 'felpeyos' Cástor y Félix Castro, Xel Pereda, Isidro Suárez y Xuan Nel Expósito, que dexara hai poco la banda, anque grabó un tema en ‘Cerquina’. D'igual forma, va contar coles collaboraciones de Rubén Bada, Ramón González, Ángel Ruiz, la Banda Gaites LaKadarma y Andrea Joglar como solista de gaita.

L'actuación va comenzar a les 22 hores, al igual qu'el restu d'actuaciones de la Plaza Mayor del Arcu Atlánticu. Asina, mañana va actuar la Banda Gaites Xácara col so espectáculu 'Synexthesia' y, darréu, Corquiéu.

El xueves va ser el turnu d'otra banda que ta de celebración, Dixebra, nesti casu polos sos 30 años de trayeutoria, mentes que'l vienres el gaiteru Bras Rodrigo va presentar el so trabayu 'A pause in New York'. Pa poner el ramu a los conciertos de la Plaza Mayor, Herbamora y los gallegos Xabi Díaz y Adufeiras de Salitre van actuar el sábadu.

Contador Estadistiques