Estrenamos 'Cróniques ultramarines': Asturies y lo asturiano nel mundu

|
Víctor Fernández Coalla

Víctor Fernández Coalla firma dende Colombia esta estaya nueva d'Asturies.com, que s'inaugura cola historia de dos vallecaucanos con querencia hacia l'asturianu.

'Colombia, llingua querida' ye'l primer artículu d'esta serie del uviedín residente en Cali na que tolos meses va averase "d’una manera prestosa y dende un tratu rigurosu, a les realidaes, anécdotes o noticies que tengan un porgüeyu y una conexión con Asturies y lo asturiano, en cualaquier parte del mundu". Nesta entrega fala con William Salazar Ríos y Juan Sebastián Quintero Santacruz, dos vallecaucanos "que se rellaicionaron pola llingua asturiana y formaron nel Pacíficu colombianu una estrecha rellaición cultural col amor y l’apreciu polo de nueso como escusa".

Historiador del arte, máster en Fundaciones, especialista en pedagoxía y promotor y xestor mientres décades d’abondes iniciatives culturales asturianistes como Ámbitu, la Fundación Belenos o la Fundación José Cardín Fernández de Villaviciosa, de la que foi direutor, Fernández Coalla lleva 5 años trabayando en Colombia. Nacíu nel 1966, nos años noventa foi articulista n’asturianu y castellanu nel periódicu 'La Voz de Asturias' y en delles revistes del Grupo Z como 'Ronda Iberia'.

Contador Estadistiques