Esti miércoles rexistráronse 617 casos nuevos de COVID-19

Sigue'l descensu del númberu d'hospitalizaos nuna xornada na que finaron 3 persones.

El miércoles rexistróse un pequeñu aumentu de los casos de COVID-19, que siguen al rodiu del mediu millar. La Conseyería de Salú comunicó la detección de 617, polos 569 del día anterior.

La tendencia de la pandemia nesta quinta fola, sicasí, sigue siendo d'ameyoramientu depués de selmanes con dellos miles de positivos diarios. Pue comprobase tamién cola evolución de les hospitalizaciones, con 281 pacientes ingresaos a día d'ayeri, de los que 255 tán en planta, 7 menos que'l martes, y 26 na UCI, 1 más.

Hai que llamentar nesta xornada la muerte de 2 homes de 88 y 65 años, y de 1 muyer de 87. El total de finaos nel andanciu cola enfermedá causada pol coronavirus SARS-COV-2 asciende a 2.423 persones.

Na semeya, vacunación nel Palaciu de Deportes de Xixón.