ERC va aconceyar el xueves col PSOE

Adriana Lastra tratará de convencer a Gabriel Rufián pa facilitar la investidura de Pedro Sánchez como presidente del Gobiernu.

El primer alcuentru de la mesa de negociación ente'l PSOE y Esquerra Republicana de Catalunya (ERC) va celebrase'l xueves a les 17 hores nel Congresu. El catalán llega a la cita tres algamar l'apoyu de la militancia, que na consulta celebrada esta fin de selmana decidió, con un 94,6 por cientu, votar non a la investidura "si previamente nun hai un alcuerdu p'abordar el conflictu políticu col Estáu al traviés d'una mesa de negociación" a iguales ente'l Gobiernu español y el catalán.

Con 13 diputaos, ERC conviértese nun axente importante pa la formación d'un Gobiernu de coalición de PSOE y Xuníes Podemos. Los socialistes tán abiertos al alderiques ente formaciones polítiques sobre Catalunya, pero non a abrir un diálogu al mesmu nivel ente gobiernos, polo que la esixencia republicana del afitamientu d'un calendariu pa evitar el 'non' a Sánchez paez tar lloñe de ser posible.