Entréguense n’Uviéu los Premios Princesa de Asturias

|
Premios Princesa de Asturias 2017

L'uvieín Teatru Campoamor acueye esti vienres la entrega de los Premios Princesa de Asturias nes sos ocho categoríes. Dende una hora y media enantes, a les 17 hores, dellos coleutivos van manifestase contra la monarquía na plaza la Escandalera, concentración onde va haber presencia d'un bloque soberanista.

Los reis d’España van presidir la ceremonia. Los premiaos nesta edición son Martin Scorsese (Artes), Amref Health Africa (Cooperación Internacional), Fred Vargas (Lletres), Svante Pääbo (Investigación Científica y Téunica), Alma Guillermoprieto (Comunicación y Humanidaes), Reinhold Messner y Krzysztof Wielicki (Deportes), Michael J. Sandel (Ciencies Sociales) y Sylvia A. Earle (Concordia).

De manera paralela ta convocada una concentración de protesta na Escandalera contra la monarquía, na que va participar un bloque soberanista entamáu por #LluchandoPolaSoberanía baxo’l lema ‘Asturies nun tien rei. República y Soberanía’. Esta iniciativa ta acabante tamién de proponera a distintos grupos municipales d’Asturies que presente una moción pa declarar el so conceyu como ‘conceyu republicanu’.

Otra manera, les Marches de la Dignidá van entamar enantes una xinta popular na Casa Conceyu (14 hores), pa salir d’ehí al rodiu de les 16.30 hores hacia la Escandalera pa participar na concentración.

Semeya obra d'Armando Álvarez.

Contador Estadistiques