El TSXA da'l preste a la esixencia del pasaporte COVID-19 p'acceder a llugares públicos

Va a entra a valir la selmana próxima. Esti miércoles detectáronse per primer vegada más de 1.000 contaxos nuna mesma xornada.

El Gobiernu recibió'l preste del Tribunal Superior de Xusticia d'Asturies (TSXA) pa establecer la obligatoriedá de contar col pasaporte COVID-19, que certifica tar vacunáu o'l pasar recién la enfermedá, p'acceder a discoteques y llocales d'ociu nocherniegu, establecimientos de xuegu y apuestes, hostelería, ximnasios, visites a centros sociosanitarios, eventos multitudinarios o instalaciones deportives o de cultura nes que se permita'l consumu de bébores y comida. Los menores de 12 años queden llibres d'esta midida pa frenar l'espardimientu del coronavirus SARS-CoV-2 nun momentu d'una alta tresmisión.

Ayeri precisemente rexistróse la cantidá más alta de contaxos nuna xornada, un total de 1.019 positivos, superando los 870 del martes. Sicasí, les hospitalizaciones baxaron de 217 a 209 nuna xornada na qu'hebo que llamentar la muerte d'una muyer de 67 años, la 2.137 del andanciu.

En planta hai 161 pacientes en planta, 8 menos, mentes que na UCI tán ingresaos 48, mesma cifra que la xornada anterior. La ocupación total por COVID-19 ye del 6.02 y del 15,94 por cientu, de manera respeutiva.