El tren que va inaugurar la variante de Payares va aportar a la estación d'Uviéu a les 16.48 hores

La salida va tener llugar de Chamartín a les 13.30 hores y va haber una parada en Lleón.

Mañana, 29 de payares, va producise'l momentu pol que se lleva esperando 19 años, cuando arrancaron les obres de la variante de Payares. Con 15 años de retrasu, y depués de dellos aplazamientos de la fecha d'apertura, llega la velocidá alta ferroviaria a Asturies.

El tren con autoridaes va partir de Madrid, de la estación de Chamartín, a les 13.30 hores, cola previsión d'aportar a Lleón a les 15.35 hores, onde va facer una parada de 10 minutos pa depués siguir rumbu a Asturies pela variante. El fin de trayeutu n'Uviéu ta programáu a les 16.48 hores y a les 17 va celebrase un actu institucional cola presencia del presidente Adrián Barbón; el so hómologu de Castilla y Lleón, Alfonso Fernando Fernández Mañueco; el del Gobiernu del Estáu, Pedro Sánchez; el ministru de Tresportes y Movilidá Sostenible, Óscar Puente; y los reis d'España.

A les 17.55 hores ta programada la salida de vuelta hacia Madrid. Va ser el xueves cuando entamen los viaxe comerciales con trenes Alvia, yá que los Avril, que van dar más capacidá y velocidá a la llinia, llegarán en primavera.