El taller de llectura de Nava recibe a Adolfo Camilo Díaz

Va falar sobre la so obra 'Advenimientu'.

Tres aldericar en Villaviciosa sobre esta historia que-y valió pa ganar el XXIX Premiu Xosefa Xovellanos de novela, correspondiente al 2008, dientro de les actividaes de los talleres de llectura n'asturianu qu'entama'l Serviciu de Normalización Llingüística de la Mancomunidá de la 'Comarca de la Sidra', Adolfo Camilo Díaz va facer lo propio esta tarde col otru grupu esistente, el de Nava. Va ser a les 19 hores na sala Marta Portal de la Casa la Cultura.

'Advenimientu' trátase de "una historia de muerte acullá del amor, un brutal descensu a los infiernos" protagonizada por un psicoantropólogu qu'investiga l'apaición de dos misterioses semiesferes nuna vieya casa qu'habiten un home y una muyer, esplica Díaz. Nacíu en Caborana nel añu 1963, amás de como escritor de noveles destaca como autor teatral.