Adolfo Camilo Díaz va falar de 'Advenimientu' colos sos llectores

En Villaviciosa dientro de los talleres de llectura n'asturianu entamaos pola Mancomunidá de la 'Comarca de la Sidra'.

'Advenimientu' ye, en pallabres d'Adolfo Camilo Díaz, "una historia de muerte acullá del amor, un brutal descensu a los infiernos" protagonizada por un psicoantropólogu qu'investiga l'apaición de dos misterioses semiesferes nuna vieya casa qu'habiten un home y una muyer. Una obra, merecedora del XXIX Premiu Xosefa Xovellanos de novela, correspondiente al 2008, de la que va falar colos sos llectores nesta sesión.

L'alcuentru col autor va ser mañana, a les 19 hores, nel aula de la segunda planta del Centru Cultural Capistrano. Esta sesión diba celebrase nun primer momentu'l pasáu 23 de payares, pero se suspendió'l día enantes.

Los talleres de llectura n'asturianu de la 'Comarca de la Sidra' vienen celebrándose dende'l 2012 con una gran aceptación y cuenta con dos grupos, ún en Villaviciosa y otru en Nava.