El PP suma los mesmos apoyos que nel 2017 pa sacar alantre los PXE

|
Isidro Martínez Oblanca

Foro destaca "la importancia de contar con una representación parllamentaria comprometida con Asturies ensin condicionamientos sucursalistes".

"Les 14 enmiendes de Foro sumaron 62 millones d'euros d'inversión direuta del Estáu a los Presupuestos y 150 millones d'euros d'ayudes a les nueses industries básiques", destacó ayeri Isidro Martínez Oblanca depués de l'aprobación de les cuentes del Gobiernu estatal col votu de la formación asturiana. El PP necesitábalu pa sacalos alantre, al igual que los del PNV, col que finalmente algamó un alcuerdu.

En total, los Presupuestos Xenerales del Estáu aprobáronse ayeri colos 176 apoyos mínimos, los del grupu popular (134) más los de Foro (1), EAJ-PNV (5), UPN (2), Coalición Canaria-Partido Nacionalista Canario (1) y Nueva Canarias (1). "Estos presupuestos, aprobaos nel ecuador de la llegixlatura, garanticen el cumplimientu de los compromisos adquiríos nel 2016 por PP y Foro énte los eleutores asturianos", añade Martínez Oblanca, que cifra nun 35 por cientu la medra de la inversión nel país tres les enmiendes de la so formación al proyeutu presentáu pol Executivu, lo que ratifica "la necesidá de Foro como únicu partíu capaz de defender los intereses d'Asturies”.

 

Contador Estadistiques