El PP de Ḷḷena critica'l cartelu del Antroxu llocal por tar "en bable"

Quier que toles anuncies públiques del Conciyu sían en castellanu o billingües.

"¿Tal vez la cooficialidad del 'bable' se ha aprobado en Asturias y no nos hemos enterado?", entrúgase'l PP de Ḷḷena tres conocer el cartelu del Antroxu llocal, que se celebra esti sábadu. La razón ye qu'ésti ta n'asturianu, emplegando la variante llocal que s'usa nel conceyu.

Los populares señalen la esistencia d'un alcuerdu de tolos grupos políticos pol que "los carteles que edita el Consistorio para anunciar cualquier evento público, deben estar escritos en castellano o en su defecto en castellano y 'bable'". Nesi sen, apunten que los eventos del Teatru Vital Aza y la web de Facebook de la conceyalía de Cultura "suelen estar escritos principalmente en bable".

El PP tien un representación mínima en Ḷḷena, con un únicu edil, conceyu nel que gobierna la coalición ente Izquierda Xunida y Compromisu por Ḷḷena, que suma 8.