El PAS pide a los conceyos que revisen los hidrantes y los equipos d'estinción d'incendios

Tres la muerte del bomberu Eloy Palacio.

El Partíu Asturianista (PAS), tres conocer los problemes qu'hebo colos hidrantes mientres l'incendiu del xueves na cai Uría d'Uviéu, pide a los conceyos "una inspeición del funcionamientu" de los mesmos, asina como de "tolos equipos d'estinción d'incendios". Tamién convida al Gobiernu a "coordinar y vixilar dicha inspeición" y a "promover una evolución de los medios de que dispón n'Asturies pa la estinción d'incendios".

Por último, la formación quier tresmitir el so pésame a la familia y compañeros de Palacios. El polesu, de 54 años, murió tres el desfarrapamientu de parte del inmueble, quedando atrapáu xunto col so compañeru Juan Carlos Fernández Granda 'Cuni', que consiguió salvar la vida.