El númberu 3 de 'Friúz' yá ta disponible

La espublización trimestral de l'asociación El Ronchel ta dedicada al Día de los Muertos.

Esti coleutivu llanzó a primeros d'años 'Friúz' col oxetivu de tratar, siempre en llingua asturiana, aspeutos culturales de los conceyos de Villaviciosa, Cabranes y Colunga. Pa esti tercer númberu'l conseyu de redaición de la revista quixo dedicar la espublización a un día con tantu raigañu nel país y nesta zona como ye'l Día de los Muertos.

Asina, los llectores van atopar el 'Cantar d'Ánimes de Rozaes' y histories sobre los entierros en Villaviciosa, los oratorios d'ánimes o de la Güestia nel llugar, ente otros conteníos. Les persones que quieran facese col formatu físicu de la revista, qu'Asturies.com ufre en formatu '.pdf' al final d'esta noticia, han de ponese en contautu con El Rochel al traviés del corréu electrónicu elronchel@gmail.com.