El Llar La Llegra celebra con una folixa'l so primer aniversariu

Esti sábadu nel llocal uviedín a partir de les 19.30 hores con poesía, música y una espicha.

Un Timba Poétika cola participación de Laura Marcos, Sergio S. Taboada, Raquel F. Menéndez y Pablo X. Suárez va abrir les actividaes previstes. Depués va entamase una 'espicha folixera' amenizada con música, a lo que van acompañar más sorpreses.

L'Espaciu La Llegra nació nel CSO La Madreña como un proyeutu llibre y asambleariu, abiertu a la participación de persones y organizaciones polítiques y sociales arreyaes a la cultura, la llingua y l'asturianismu d'izquierda. Tres el desallugu del centru, gracies a una campaña de cuestación popular na rede, los sos miembros consiguieron alquilar y reformar un llocal n'El Postigu Baxu onde continuar cola so actividá. Ésti, el Llar La Llegra, cumple un añu de vida nel qu'acoyó decenes d'eventos, dende charres a proyeiciones, pasando per actuaciones musicales.