'El Hórreo' da'l so reconocimientu a García López pola so "defensa de la llingua asturiana"

La escritora va recibir el 'Hórreo de oro' que s'entrega'l 23 de xunetu en Barcia.

L'Asociación Cultural 'El Hórreo' decidió que la distinción cola que premia "la trayeutoria exemplar d'instituciones y particulares, con un llabor que constituya una aportación relevante en beneficiu de la sociedá", a María Esther García López. La Xunta Direutiva consideró la so candidatura como la que más merecía esta distinción ente toles presentaes.

El 'Hórreo de oro' llega-y a la escritora valdesana “en reconocencia a la sua siguida y granible actividá ḷḷiteraria; pola sua inestimable y prollongada defensa de la ḷḷingua asturiana y la sua especial contribución la so conocencia y espardimientu de la mesma; y por representar una de les voces más relevantes y destacadas dientro de la ḷḷiteratura n'asturianu”. L'actu d'entrega va desendolcase'l 23 de xunetu a les 21 hores na sede d'esti coleutivu.

Na semeya, García López firma exemplares del so llibru últimu, 'Amor y deséu en tiempos virales', na Feria del Libro de Xixón.