El Grupu San Félix entama un Bailla na Plaza solidariu

Ocho grupos participen na Fábrica d'Ortiz de Candás nesti eventu que busca recaudar perres pa la Fundación Banco de Alimentos Asturias.

El Grupu de Baille Tradicional San Félix, que cumple 40 años esti 2023, entama les celebraciones del aniversariu con un Bailla na Plaza solidariu. Va celebrase mañana a les 19 hores cola presencia de formaciones de música asturiana p'animar al baille.

Son Trebeyu, Escontra'l Raigañu, Herbamora, Abéu, L-R, 6 Riales y Eva Tejedor & Les Pandereteres, amás del propiu grupu organizador. Nel llugar va instalase un chigre y va vendese un monederu solidariu a 5 euros creáu por Ringo Rango y San Félix.

Na semeya, un momentu del últimu Bailla na Plaza solidariu'l branu pasáu, que recaudó 872,62 euros pal pueblu ucraín.