El DMR treslládase a la plaza la Escandalera

|

Los actos centrales entamaos por Darréu celébrense esti vienres y sábadu n'Uviéu.

Por cuestiones venceyaes con permisos municipales, les actividaes del Día de la Mocedá Revolucionario (DMR) nun van tener llugar na plaza Porlier, como taba previstu. Finalmente van treslladase a la Escandalera, onde yá ta too preparao pal Nueche en Danza d'esta nueche, con aniciu previstu pa les 21 hores con un taller de baille y, darréu, les actuaciones de Caldo y Os Rabizos, y los grupos de baille Xeitu y Fitoria. Enantes, a les 18 hores, va celebrase un alcuentru internacionalista nel Llar La Llegra coles delegaciones convidaes por Darréu, esto ye, Arran (Països Catalans), Ernai (Euskal Herria), Jaleo (Andalucía), Yesca (Castilla) y Agora (País Llionés).

Mañana l'actividá va principar a les 12.30 hores con xuegos tradicionales, pa depués entamar una fabadona popular (14.30 hores) “cola que siguir texendo llazos y espardiendo la reivindicación de la nuesa cultura como elementu tresformador”. A les 19 hores ta previsto un pasucais “pol futuru de la mocedá y escontra la emigración forciada” con salida de la Estación del Norte (RENFE) y, a continuación, va desendolcase un actu políticu.

Yá de nueche, a les 21 hores, va celebrase’l XII Asturies nun Escaez, conciertu que, como novedá, esti añu va ser de baldre. Nél van participar les bandes asturianes Skontra, K-Nalón y Adizión Etílika, a les que se sumen los madrilanos Brutus Daughters, formación que fai punk-folk.

Contador Estadistiques