El Caudal busca cambiar la racha contra l'Izarra n'asturianu en RTPA

|
Caudal escudu

Una derrota énte los navarros conllevaría la dimisión del téunicu Paco Fernández.

Esti domingu, a les 18.30 hores, el Caudal xuega más qu'un partíu nel Hermanos Antuña. Los mierenses, que sumen siete derrotes siguíes, han de dar un pasu al frente y derrotar al Izarra si nun quieren llantase na cola de la tabla y, de paso, ver la salida de Fernández, l'entrenador más esitosu que tuvo'l club na so época más reciente.

L'uviedín anunció al presidente Roberto Ardura que, nel casu de nun ganar al equipu navarru, presentaría la dimisión. Una aición que busca una reaición de la plantiya de cara a un choque vital pal Caudal, penúltimu con 9 puntos, a 5 de la salvación.

Esti partíu tan emocionante correspondiente al grupu segundu de Segunda División B va poder vivise en RTPA n'asturianu. Miguel Fernandi va narrar l'alcuentru na televisión pública, col acompañamientu de Nacio González, mentes que Fernando García de Dios va facer lo propio na radio, nesti casu colos comentarios de Pablo R. Guardado, redautor d'Asturies.com.

Contador Estadistiques