El 96 por cientu de los llectores d'Asturies.com sofita la prohibición de los toros n'Asturies

La práutica totalidá de los usuarios d'Asturies.com que participaron nel nuesu 'Conceyu Abiertu' amosaron la so disconformidá pa colos espectáculos taurinos. Un 96 por cientu amuésase favoratible a la so prohibición nel país, el territorio del Estáu con menos festexos d'esti calter.

La entruga que plantegamos en 'Conceyu Abiertu' foi '¿Prohibiría los toros n'Asturies?', a lo qu'un 96 por cientu respondió que 'Sí'. Mentes, namái un 4 por cientu nun vería bien la so prohibición. Podemos Asturies comprometióse na manifestación antitaurina de Xixón del pasáu día 14 iniciatives a introducir el debate de la tauromaquia na Xunta Xeneral p'avanzar hacia'l so desaniciu nel país y pa garantizar los derechos de los animales.

Dende esti momentu yá ye posible participar nun 'Conceyu Abiertu' nuevu. Nesta ocasión queremos conocer la opinión de los nuesos llectores sobre los soníos de calter racista hacia'l xugador del Athletic Club Iñaki Williams que salieron del Fondu Mozu d'El Molinón, onde se sitúen los ultres del club roxiblancu, ente los que ye habitual ver simboloxía d'ultraderecha.