El 73 por cientu de los usuarios d'Asturies.com ve bien la prohibición de los circos con animales

Les prohibiciones de los espectáculos circenses con presencia d'animales en dellos conceyos del país ta bien visto polos llectores d'Asturies.com. Un 73 por cientu de les persones que participaron nel nuesu 'Conceyu Abiertu' sofita la midida.

Mieres, Gozón, Corvera, Castrillón y Xixón son dalgunos de los ayuntamientos que vienen aprobando en Plenu esta iniciativa que busca defender los derechos de los animales. Asina, tomando como referencia la última aprobada en Xixón, nun se permitirá la llegada d'estos espectáculos al conceyu, al menos instalaos en suelu públicu. Tan sólo'l 27 por cientu de los nuesos usuarios nun apoya esti tipu de midíes.

Dende esti momentu yá ye posible votar nun 'Conceyu Abiertu' nuevu. Nesta ocasión queremos conocer si los llectores d'Asturies coinciden cola argumentación d'Ana María Cano, presidenta de l'Academia de la Llingua Asturiana, fecha nel programa de televisión 'Alderiques d'Asturies' de que "la perda de falantes ye un mitu". "Hai que facer una encuesta en serio a ver cuántos falantes perdemos. Cada vez siento falar a más xente en llingua asturiana y en dellos ámbitos", apuntó.