Educación y Cultura caltién les mesmes ayudes a la edición de llibros y discos

|
Genaro Alonso

Per cuartu añu consecutivu.

La Conseyería d'Educación y Cultura espublizó güei nel Boletín Oficial del Principáu d'Asturies (BOPA) la convocatoria de subvenciones pa la promoción del llibru y de la música n'asturianu y gallego-asturiano. Pa la primera destina 90.000 euros, mentes que pa la segunda van 20.000 euros, mesmes cantidaes que'l Gobiernu vien dedicando a estes llinies d'ayudes pa la normalización de los dos idiomes dende l'añu 2015.

El 23 de mayu convocóse la subvención pa medios de comunicación, que tamién caltién la mesma cantidá que nel 2016 y 2017: 90.000 euros. El total de dineru que l'Executivu dedica a la normalización del asturianu ye de 200.000 euros, a lo qu'hai que sumar 40.000 euros pa entidaes llocales cola fin d'entama campañes, la rotulación de les dependencies municipales, la señalización de servicios públicos, rotulación toponímica, cursos, páxines web o imaxe corporativa.

Semeya obra d'Armando Álvarez.

Contador Estadistiques