Decidíes les diez pallabres asturianes que van llucir en Fryslân

|
Pallabres asturianes pal Pabellón de les Llingües de Ljouwert

La ciudadanía votó per redes sociales les sos favorites nuna campaña d'Iniciativa pol Asturianu, que collabora con Afûk nel Pabellón de les Llingües de Ljouwert.

La población frisia, Capital Europea de la Cultura del 2018 xunto cola capital maltesa Il-Belt Valletta, va poner el focu mientres tol añu nes llingües minorizaes. Asina, va dedicar una selmana, del 6 y el 12 d’agostu, al asturianu, con actividaes y presencia de cartafueyos, productos audiovisuales y música nel nuesu idioma, destacando una actuación de Xera, amás de ceder un espaciu nel techu del Pabellón de les Llingües pa la colocación de diez pallabres.

Iniciativa pol Asturianu ta acabante de dar a conocer les que finalmente van llucir en Ljouwert/Leeuwarden tres facer una consulta per redes sociales. Éstes van ser reciella, sofitu, seronda, xeitu, esguil, collaciu, orbayu, señaldá, ciñu y naguar.

Contador Estadistiques