De Rueda toma posesión como diputáu en sustitución de Canga

El presidente del PP d'Avilés yera'l númberu 13 de la llista pola circunscripción central.

La primer sesión del Plenu de la Xunta Xeneral celebrada esta mañana arrancó cola toma de posesión de Pedro de Rueda como diputáu. El popular sustitúi nel Parllamentu a Diego Canga, candidatu del partíu a la Presidencia, qu'abandonó'l so cargu'l día 13, cuatro meses depués de les eleiciones, alegando motivos familiares que lu obligaben a tornar a Bruxeles, onde desendolcaba'l so llabor profesional como funcionariu de la Xunión Europea.

Nacíu en Xixón nel 1969 y llicenciáu en Derechu pola Deustuko Unibertsitatea/Universidad de Deusto, yá fora diputáu na décima llexislatura (2015-2019). El tamién secretariu d'Organización del PP escoyó la fórmula de xurar, y pa ello fixo usu de la 'Biblia de Jerusalén' que yá s'emplegara na sesión de constitutiva de la Xunta Xeneral.