Díes caberos p'apuntase al cursu avanzáu d'asturianu de Corvera

La inscripción ye de baldre.

El Cursu Avanzáu de Llingua Asturiana de Corvera quier ser "un mecanismu d’afondamientu nel conocimientu y deprendimientu de la gramática asturiana y otres cuestiones más del idioma, pero tamién una manera d’acercase a la cultura asturiana". Rafael Rodríguez Valdés, téunicu responsable del Serviciu de Normalización Llingüística del conceyu, va encargase de poner les clases, colos contenios siguientes: 'Repasu de les normes ortográfiques', 'Gramática de la llingua asturiana', 'Léxicu', 'Situaciones comunicatives, escrites y orales', 'Acercamientu a la historia de la llingua asturiana', 'Actitúes y prexuicios llingüísticos, qué son y cómo funcionen', y 'Manifestaciones artístiques n’asturianu'.

El cursu tien una duración de venti hores, con sesiones tolos miércoles, n’horariu de 18 a 20 hores. Les claes van facese nel Aula 2 del Centru Sociocultural de Les Vegues. El día caberu p'apuntase ye mañana y el llugar onde facelo, los rexistros municipales.