Cursu de deportes tradicionales

L'equipu de deportes tradicionales "Seis Conceyos" organiza pal mes qu'entra nel polideportivu de Sariegu un cursu de preparación pa los deportes tradicionales. Al revés qu'otros cursos que se vinieron faciendo hasta agora, que se centraben sobremanera nel tema de los reglamentos y preparación pal arbitraxe, esti ye'l primer cursu que se fai a costafecha pa meyorar la preparación físico y la técnica nes deseparaes disciplines del deporte tradicional del país, contándose pa ello cola presencia de preparadores y deportistes asturianos y tamién de destacaos especialistes de fuera, rescamplando ente ellos dellos nomes importantes del deporte vascu. El cursu va facese en dos tandes a lo llargo de dos fines de selmana, y p'apuntase hai que contactar col equipu Seis Conceyos, que tien esta web