Cuatro temes aspiren a ser el meyor cantar n'asturianu del 2016

|
'La payarina', de María Xesús Rodríguez, recompensa X Premiu al Meyor Cantar

Celébrase nel avilesín Teatru Palaciu Valdés la gala del X Premiu al Meyor Cantar.

A les 20 hores d'esta tarde va comenzar una edición nueva del concursu que premia a la meyor canción n'asturianu o gallego-asturiano del añu anterior. Nesta ocasión consiguieron pasar a la final, tres pasar la criba del xuráu, Hoboken Band (‘Sonrises nel cielu’, con lletra y música de César González Herrería), Luis Núñez y los Folganzanes (‘La ñeve y la esmeralda’, con lletra y música de Núñez), Odón del Paganéu (‘Soi ya vengu de Tinéu / La inconformidá’) y Bras Rodrigo (‘Naquel malecón’).

Tres la interpretación en direuto de los cantares, y mientres el xuráu decide quién ye merecedor del premiu, va ufrir un pequeñu conciertu Anabel Santiago, ganadora del añu pasáu con 'La lloca'. El tema que lleve'l X Premiu al Meyor Cantar va recibir la escultura 'La payarina', obra de María Xesús Rodríguez, amás d’un compromisu de promoción del tema en medios de comunicación y eventos qu’entame’l Gobiernu.

La entrada pa la gala ye de baldre, pa lo que ye necesario retirar entrada na Casa Cultura d'Avilés o na puerta del teatru de magar les 18 hores. La TPA va emitir la mesma mañana a les 18.45 hores.

Na semeya, 'La payarina'.

 

Contador Estadistiques