Cuatro candidatos aspiren a la eleición como coordinador xeneral d'IX

La Comisión Eleutoral acepta la candidatura de María Teresa Lorenzo pese a nun tener los avales esixíos. La votación va ser el día 28.

La militante, que participa de la corriente asturianista Faciendo País, sumó 158 avales, lloñe de los 214 necesarios, esto ye'l, el 10 por cientu de los afiliaos, pero un alcuerdu de la Comisión Eleutoral va permitir a Telly, como ye conocida, a acudir a la escoyeta de coordinador xeneral d'Izquierda Xunida (IX). "La Comisión Eleutoral, por unanimidá, envaloró la so candidatura n'ares a la pluralidá, teniendo en cuenta les circunstancies y que se trata del primer procesu d'estes carauterístiques que se punxo en marcha na organización", afirmó ayeri.

El restu de candidatos son l'alcalde de Ḷḷena, Ramón Argüelles (346 avales); el coordinador d'IX Uviéu, Alejandro Suárez González (315); y l'ex coordinador d'IX Avilés, Fernando Díaz Rañón (304). Ye difícil, dada la igualdá, predecir un resultáu pal día 28, cuando va celebrase la votación pa escoyer al sucesor de Manuel González Orviz.